Татарстан юлларын кардан чистартырга 450 берәмлек махсус техника чыгарырга туры килгән

Узган тәүлектә бозлавыкка каршы көрәштә 6954 тонна катнашма кулланылган.

(Казан, 5 декабрь, «Татар-информ»). Татарстанда федераль дәрәҗәдәге юлларны кардан чистарту өчен 126 берәмлек махсус техника эшкә җигелгән, төбәк юлларында - 329 берәмлек техника эшли. Бу хакта республиканың Транспорт һәм юл хуҗалыгы министрлыгыннан хәбәр иттеләр.

Узган тәүлектә бозлавыкка каршы көрәштә 6954 тонна комлы-тоз катнашмасы, 386 тонна чиста тоз һәм 246 тонна тозлы су кулланылган. Кышын федераль һәм төбәк дәрәҗәдәге юлларны тәэмин итү өчен бозлавыкка каршы материаль тулы күләмдә - 387 мең тонна әзерләнгән.

Хәзерге вакытта Татарстан аэропортлары гадәти режимда эшли, дип җиткерә министрлык.

чыганак: http://tatar-inform.tatar/news/2017/12/05/153689/