Әтнә алдынгылар сафында

Татарстан авыл хуҗалыгы министрлыгының оператив мәгълүматларында Әтнә районының тәүлек саен 174 тонна тулай савым алуы турында хәбәр ителә. Районда 24 августка алдагы елга карата 25 тонна сөт артык савыла. Ай башына карата тулай савым азрак кимеде үзе, республика буенча ул 100 тоннага ук җитте. Районда бер сыердан уртача 24,5 килограмм сөт савабыз, республика буенча - 15,4 килограмм. Гомумән алсак, сөт җитештерү буенча районыбыз алдынгылыкны бирми.