Әтнәдә кибеттән әйбер урлаучыны видеоязма аша тапканнар

Язып, сөйләп торсак та, караклык кебек ямьсез күренеш яши әле безнең җәмгыятьтә. Бу бигрәк тә район үзәгендә урнашкан кибетләрнең сатып алучыларына кагыла. Шундый каракларның берсе "Магнит" кибетеннән бер ярты аракы алырга уйлый. Акча түләп түгел, билгеле. Тик язганыбызча, кибетләрдә видеокүзәтү алып барыла. Полиция бүлеге хезмәткәрләре видеоязманы караганнан соң, каракның эзенә тиз төшәләр. "Ул административ хокук бозулар турындагы законның 7.27 маддәсе нигезендә, җаваплылыкка тартылачак, - дип хәбәр итә Эчке эшләр бүлегенең участок инспекторлары җитәкчесе Фәнис Низамиев.