Әтнә таңы

Әтнә районы

18+
Җәмгыять

Узган тәүлектә коронавируның 28 яңа очрагы ачыкланган

Әтнә районында коронавирус инфекциясе йоктыру очрагы теркәлмәгән.

Татарстанда соңгы тәүлектә Covid-19 коронавирус инфекциясе йоктыруның 28 яңа очрагы ачыкланган. Россия Кулланучы хокукларын яклау буенча күзәтчелек федераль хезмәтенең (Роспотребнадзор) ТР буенча идарәсе башлыгы Марина Патяшина «Татар-информ» агентлыгында узган матбугат конференциясендә шулай дип белдерде.

«Узган тәүлектә республикада яңа коронавирус инфекциясенең 28 очрагы теркәлде. Шул рәвешле, республикада бүгенге көндә әлеге инфекцияне йоктыручылар 7284 кешегә җитте», - дип хәбәр итте спикер.

Баш санитар табиб сүзләренчә, узган тәүлектә коронавируска 5764 ПЦР-тест үткәрелгән. Авыру йоктыручылар белән аралашкан 717 кеше табиблар күзәтүендә кала.

ТР сәламәтлек саклау министры урынбасары Владимир Жаворонков Татарстанда бер тәүлек эчендә коронавирустан тугыз кеше терелүен әйтте.

 Чыганак: https://tatar-inform.tatar/news/health/02-10-2020/tatarstanda-uzgan-t-lekt-koronavirus-infektsiyase-yoktyruny-28-ya-a-ochragy-achyklangan-5775904

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев