Югалган яшьләр табылды!

Дүшәмбе көнне Башкорстанда юкка чыккан гашыйклар Юлия Мареева белән Айгиз Миңнебаев, бәхеткә, исән-имин өйләренә кайткан.

Ачыклануынча, алар, юлда очраган машинага утырып, Татарстанга юлланган, Казан федераль университетына укырга керү өчен документлар тапшырырга барганнар икән. Юлиянең сүзләре буенча, бу хакта әти-әниләренә әйтмәгәннәр, чөнки бу очракта кызны мотлак беркайда да җибәрмәсләр иде. Үсмерләрнең мондый җавапсызлыгы таң калдыра. Тиз арада полициягә һәм волотерларга хәбәр иткән әти-әниләренең ниләр кичергәнен аңлау авыр түгел. Ерак сәфәргә үзаллы гына чыгып киткән бала белән бу дөньяда нинди хәл булмас!

Чыганак: http://www.bugulma-tat.ru/tt/the-news-tat/item/10808-yugalgan-yashlәr-tabyildyi.html