Мәскәүдә коронавирус аркасында яңа чикләүләр игълан ителде

Мәскәү мэры Сергей Собянин башкалада эпидемиологик вазгыять начарлану сәбәпле, яңа чикләүләр кертелүен игълан итте.

РИА Новости хәбәр иткәнчә, 15-19 июнь көннәрендә шәһәрдә хезмәт хакы саклана торган ял көннәре дип игълан ителде. Әлеге карар ялларда эшләми торган барлык оешма һәм предприятиеләргә дә кагыла. Әмма ул стратегик өлкәгә караган яки шәһәр инфраструктурасы эшен тәэмин итә торган компанияләргә кагылмый. 

13 июньнән башлап, эш бирүчеләргә хезмәткәрләрнең кимендә 30 процентын, шулай ук 65 яшьтән өлкәнрәк һәм хроник авырулары булган кешеләрне (прививка ясаткан кешеләрдән кала) дистанцион эш режимына күчерергә киңәш ителде. 

Чыганак: https://tatar-inform.tatar/news/society/12-06-2021/m-sk-d-koronavirus-arkasynda-ya-a-chikl-l-r-ig-lan-itelde-5826703