Татарстанда коронавирус белән 47 кеше авырган

Татарстанда тагын 47 кеше яңа коронавирус инфекциясе йоктырган, шуларның 2се читтән кертелгән, 45е - контактлы.

«12 кеше хастаханәгә салынган, 35 кеше өйдә дәвалана», — диелә ТР Сәламәтлек саклау министрлыгы хәбәрендә.

Казанда — 30, Чаллыда — 4, Лаеш районында — 5, Азнакай, Алексеевск районнарында икешәр, Әгерҗе, Югары Ослан, Алабуга, Саба районнарында берәр авырган кеше ачыкланган.

14 июльгә Татарстанда Covid-19 инфекциясенең 23 047 очрагы теркәлгән.

Барлыгы 20 621 кеше, шул исәптән 51е узган тәүлектә савыккан.

Барлыгы 688 281 кешегә вакцинация ясалган (тәүлек эчендә үсеш 10 303), шуларның 439 857се икенче прививка алган.  

Чыганак: https://tatar-inform.tatar/news/health/14-07-2021/tatarstanda-koronavirus-bel-n-47-keshe-avyrgan-5830244