Әтнәдә бер кеше коронавирус чирен йоктырган

Татарстанда коронавирус йоктыруның 51 яңа очрагы теркәлгән.

«21 кеше хастаханәгә озатылды, 30 кеше өйдә дәвалана», — диелә Татарстан Республикасы Сәламәтлек саклау министрлыгыннан алынган хәбәрдә.

Казанда 20 кеше авырый, Чаллыда — 14, Яшел Үзән һәм Тукай районнарында — өчәр, Әлмәт, Биектау, Алабуга районнарында — икешәр, Аксубай, Әтнә, Мамадыш, Түбән Кама, Питрәч районнарында берәр кеше авыру йоктырган.

14 сентябрьгә Татарстанда Covid-19 йоктыруның 26 166 очрагы теркәлгән. Барлыгы 22 775 кеше савыккан, шул исәптән узган тәүлектә савыгучылар саны 54 кеше булган.

1 042 261 кеше (үсеш — 3 850) вакцина ясаткан , шулар арасыннан 903 568 кеше икенче прививканы алган.

Чыганак: https://tatar-inform.tatar/news/health/14-09-2021/tatarstanda-tagyn-51-keshe-koronavirus-chiren-yoktyrgan-5837578