Әтнә өлкәннәре «Балкыш»та балкыдылар

Чара Арча шәһәренең мәдәният йортында узды. Анда Арча, Теләче, Биектау, Балык Бистәсе һәм Әтнә районы ветеран үзешчәннәре чыгыш ясады.

Фестивальнең район турын уңышлы үтеп, зона этабында чыгыш ясау мөмкинлеген алган үзешчәннәребезне бик матур чыгыш ясадылар. 

Ветераннарның республика советы җитәкчесе Хәбир Иштирәков ветераннар чыгышына югары бәяләде.

- Узган елның декабреннән бүгенгә кадәр "Балкыш" белән яшәдек. Ветераннарыбыз сокланырлык итеп чыгыш ясадылар. Жюри әгъзаларын да сокландырдылар. Кайсы гына чыгышны алсак та, югары дәрәҗәдә булды, - диде район ветераннар советы рәисе Хәмит Галимҗанов.

2025 елның 1 гыйнварыннан старт алган "Гаилә" илкүләм проекты актив гомерне озайтуга, авыруларны профилактикалауга һәм өлкән яшьтәге гражданнарны социаль тормышка җәлеп итүгә юнәлдерелгән «Өлкән буын» федераль проектын үз эченә ала.