Әтнәдә бәйрәм ялларында кайларга барырга мөмкин?

Яңа ел каникуллары, бәйрәм яллары дәвам итә. Ял вакытларында Әтнәдә кайларга барырга була.

Бүгенге көндә Каенсар урманында урнашканчаңгы базасында чаңгы шуарга мөмкин. Чаңгы шуарга теләмәсегез, кышкы урман һавасын сулап, башны ял иттереп менәргә була.

Шулай ук «Ашыт» спорт үзәгендә узган чараларны карарга була.

Әтнә татар дәүләт драма театрында балалар һәм олылар өчен Яңа ел тамашалары дәвам итә.

Моннан тыш, Олы Әтнәнең үзәк чыршысы янында да авыл җирлекләре концертлары дәвам итә. Бүген 3 гыйнвар көнне Олы Әтнә һәм Кышлау авыл җирлекләре чыгышлары булачак.