Сишәмбе, 3 ноябрьдә, Халыклар бердәмлеге көнен бәйрәм итүгә бәйле рәвештә эш көне озынлыгы бер сәгатькә кыскарачак. Бу хакта ТАССка Дәүләт Думасының Хезмәт, социаль сәясәт һәм ветераннар эшләре комитеты әгъзасы Светлана Бессараб хәбәр иткән.
Депутат сүзләренчә, бу 2026 елда россиялеләр өчен соңгы кыскартылган эш көне.
«2026 елда эшләүче россиялеләрнең бары тик бер генә кыскартылган эш көне калды, 3 ноябрь, Халыклар бердәмлеге көнен алдыннан. Эш көне бер сәгатькә кыскартылачак», - дип билгеләде Бессараб.
Ул шулай ук эш вакытын кыскарту һәм бәйрәм көннәрендә өстәмә яллар оклад алучы хезмәткәрләрнең хезмәт хакы күләменә йогынты ясамаячак, дип аңлатты. Мондый очракларда хезмәт хакы тулы күләмдә түләнә.
Татарстан халкын 5 ноябрьдә дә кыскартылган эш көне көтә. Ул ел саен 6 ноябрьдә билгеләп үтелә торган төбәк бәйрәме — Татарстан Республикасы Конституциясе көненнән алда килә. Шуннан соң республика халкы тагын ике көн рәттән ял итә алачак: 7 һәм 8 ноябрьдә, шимбә һәм якшәмбе көннәрендә.
Нет комментариев