ГТО балалар бакчасына атлый

“Хезмәткә һәм оборонага  әзер» Бөтенсоюз физкультура комплексы төзелүгә 90 ел тулу уңаеннан Әтнә спорт мәктәбе һәм шул ук бинада эшләп килүче ГТО тест алу үзәге төрле-төрле чаралар үткәрәләр.

Шул уңайдан, 16 март көнне Олы Мәңгәр балалар бакчасында балалар ГТО төшенчәсенең нәрсә аңлатканын, сәламәт яшәу рәвеше алып барырга кирәклеген белделәр.

Балалар ГТОның төрле нормативларын биреп карадылар: озынлыкка сикерделәр, йөгерделәр, тезләрне бөкмичә аска тартылдылар, "отжимание" ясадылар.

Нормативларны иң әйбәт эшләучеләр Бөтенсоюз ГТО физкультура комплексы тарафыннан әзерләнгән бүләкләргә ия булдылар.