Каратистларыбыз сынатмады

Бу ярышларда Россиянең төрле төбәкләреннән (Мәскәү, Санкт-Петербург, Иркутск, Түбән Новгород, Сочи һәм башкалар) килгән 700 спортчы арасында үзләренең категорияләрендә безнең Әтнә районыннан 7 егет катнашты. Татарстан командасы барлык төбәкләр арасында беренче урынны яулады һәм кубок иясе булды. Бу җиңүдә безнең егетләребезнең дә өлеше зур: районыбызга 17 медаль кайтты.

Шушы матур нәтиҗәләргә ирешкән егетләр:

Олы Әтнә урта мәктәбеннән Габидуллин Айзат (10 сыйныф) – 1 алтын һәм 3 бронза медаль, Сидеев Галиәскәр (1 сыйныф) – 1 көмеш медаль, Күәм урта мәктәбеннән Галиев Айваз (10 сыйныф) – 1 көмеш һәм 2 бронза медаль, Бәрәзә төп мәктәбеннән Гыйлаҗев Илзат (6 сыйныф) – 1 көмеш һәм 1 бронза медаль, Аникин Александр (4 сыйныф) – 1 көмеш һәм 2 бронза медаль, Аникин Даниил (4 сыйныф) – 2 көмеш медаль, Әтнә авыл хуҗалыгы техникумы 311нче группа студенты Зигангараев Тимур – 1 алтын һәм 1 көмеш медальгә ия булдылар.

Ярышлардан тыш, Габидуллин Айзат, Галиев Айваз, Зигангараев Тимур хөкемдарлык һәм оештыру эшләрендә дә катнаштылар.

Укучыларыбызны ярышларга профессиональ каратист, югары категорияле судья, тренер Саргсян Геворг әзерләде.