ӘВЛ старт алды

Әлеге уеннарда барлыгы ун команда катнашырга теләк белдергән , Шуларның тугызы – авыл җирлекләреннән һәм берсе – авыл хуҗалыгы техникумы командасы. Уеннар “хуҗа” – “кунак” принцибы белән оештырыла. “ Яшьләрне, авыл халкын спортка тартуны күздә тотып, ярышларны авыл җирлекләрендә оештырырга уйладык”, – ди Яшьләр эше һәм спорт бүлеге җитәкчесе Ирек Мөхәммәтшин. Бәйгеләр һәр атнаның шимбә-якшәмбе көннәрендә уза. Җиңүче командага ӘВЛ кубогы һәм акчалата бүләк тапшырылачак. “Өмет кубогы”н оту мөмкинлеге дә бар.