Алмадан тәмле как (пастила)

1) 2 кг алма,
2) 1 ст песок,
3) 1 ст су.

Алмаларны дүрткә бүлеп, эчен алырга, кабыгын чистартырга. Чистарткан килеш 2 кг алма була. Кәстрүлгә алмаларны, песок һәм су салып 20 минут чамасы пешереп алырга. Һәм шуны блендер белән изеп пюре ясарга.
Куна тактасын яки табаларны әйбәтләп майларга һәм юкарак кына итеп алма пюресын салып чыгарга. Минем өчен иң җайлысы куна тактасы, кубарып алырга бик җайлы. Түбәгә чыгарып куйдым, өсләренә чебеннәр төшмәсен өчен тәрәзәнең москитный сеткасын каплап куйдым, бик җайлы. Бер көн дигәндә кипте дә.