Майда пешкән мантый рецепты

Бу манты кызган үсемлек маенда пешереләчәк, камыры кетердәп торачак.

Камыр өчен: салкын су, тоз, он.

Камыр басарга һәм өстен каплап 30 минут «ял иттерергә».

Эчлек өчен: фарш яки вак туралган ит, суган, тоз, борыч.

Фарш сусыл булсын өчен бераз салкын су, ә майсыз ит булган очракта атланмай кушарга кирәк.

Туралган ит булган очракта бераз табада кыздырып, ярым әзер булганчы пешерергә кирәк, чөнки мантыны майда озак тотсак көеп китәргә, ә ите пешеп җитмәскә мөмкин.

Камырдан шарлар ясап чыгарга һәм аерым җәеп, эчлек салып ясарга. Манты әзер, аны кызган үсемлек маенда пешереп алырга.

Чыганак: https://intertat.tatar/news/cooking/09-04-2021/mayda-peshk-n-mantyy-retsepty-5814616