Төрле пироглар өчен камыр рецепты

300 гр онга чеметем тоз, 1 чәй кашыгы разрыхлитель салып, өстенә 100 гр маргарин (әйе, нәкъ менә маргарин!) кырдым һәм валчык хәленә килгәнче уаладым.

Икенче савытта 1 йомырка, ванилин, 30 гр шикәр комы, 80 гр каймак, чеметем генә лимон кислотасын бергә болгаттым һәм он өстенә салып, камыр бастым.

Камырны җәеп табага салгач, җәем өстенә крахмал сиптем. Бу эчлек салгач, камыр чиләнеп тормасын өчен эшләнә. Эчлеккә алма вареньесы яктым.

Бик кызу булмаган духовкада 50 минут пешердем.

Рецепт һәм фото авторы – Резидә Фәйзуллина.

Яшел Үзән