Әтнәдә 6 көн эчендә куркынычсызлык каешын кулланмаган 6 йөртүче җаваплылыкка тартылган
Район автоинспекциясеннән алган мәгълүматларга караганда, 7-14 август көннәрендә юлларда 10 юл хәрәкәте кагыйдәләрен бозу очрагы теркәлгән.
Аерым алганда, соңгы 6 көн эчендә куркынычсызлык каешын кулланмаган 6 йөртүче җаваплылыкка тартылган. Шулай ук бу чорда район юлларында 1 юл-транспорт һәлакәте теркәлгән.
Моның белән бергә, тикшерү вакытында исерек хәлдә машина йөрткән 1 кеше тоткарланган. Аның автомобиль белән идарә итү хокукы булмавы да ачыкланган.
Шулай ук, автомобиль номеры укырлык дәрәҗәдә булмаган 1 машиа йөртүче тоткарланган.
Әлеге вакыт эчендә 2 җәяүлегә юл бирмәгән йөртүче дә административ җаваплылыкка тартылган.
Көзгә якынлашабыз, көннәр кыскара, шул сәбәпле, җәяү йөргәндә киемнәрегездә яктылык кайтарткыч элементлар булу мөһим, дип искәртә районның юл иминлеге инспекторлары.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев