Соңгы вакытта шулай дип шалтыратулар ешаеп китте.
Әлбәттә, бу мошенникларның чираттагы ялганы. Алар тозагына эләгүчеләр турында газетабызның узган санында гына язып чыккан идек, югыйсә. Кабат, райондашларыбыз эшләп тапкан акчаларыннан колак какканнар .
Район эчке эшләр бүлегенең җинаятьчеләр белән эшләү бүлеге җитәкчесе Ирек Бәйрәмов:
– Зинһар өчен, райондашларыбызны тагын бер кат кисәтеп узыгыз әле. Мошенниклар ялганына ышанучылар гел булып тора, – диде ул. Соңгы вакытта ФСБ, банк хезмәткәре булып шалтырату очраклары артты. Җитмәсә, алар төрле приложениеләр урнаштырырга кушалар.
– Шуны онытмагыз, банк хезмәткәрләре беркайчан да шалтыратып счет номерларын сорамыйлар, төрле приложениеләр дә куярга кушмыйлар, – дип кисәтә җитәкче.
Нет комментариев