«АВТОБАБАЙ-2018 бәйгесенең бер җиңүчесе - Әтнәнеке!

Әлеге бәйгедә Олы Әтнәдә яшәүче, бүгенге көндә Арча ДОСААФ оешмасында инструктор булып эшләүче Илфир Зәйнуллин - 3 урын алды. Һәм алар  - бу бәйгедә призлы урын алган өч машина йөртүче дә республика күләмендә узачак "Автобабай -2018" бәйгесендә катнашачаклар.

- Мин бу бәйгегә әзерләнмәгән дә идем, белмәдем дә, Арчага баргач, фотога төшәбез, дигәч ризалаштым. "Фото гына түгел, аның бүләк, дипломнары да бар бит", дигәч кенә чын бәйге икәнлеген аңладым. Ныклап әзерләнгән булсам, беренче урынны да алып була иде. Ә Казанда Әтнә өчен чыгыш ясыйм, Алла боерса,-  ди  63 яшьлек, машина йөртү стажы 30 ел булган, 4 ел ДОСААФ инструкторы булып эшләүче Илфир абый Зәйнуллин.

Арчадан  кубок, грамота, истәлекле бүләк белән кайта ул.  Котлыйбыз!