Бүген Әтнә районы башлыгы Габделәхәт Хәкиимовның туган көне

Табигый зирәклек, гаделлек һәм район халкының тормыш дәрәҗәсен яхшырту өчен эшләү, олының да, кеченең дә йөрәгенә үтеп керерлек юллар таба белү — Сезнең олы йөрәкле шәхес булуыгызны тасвирлаучы сыйфатларның бары берничәсе. Барлык гомерегезне, көчегезне туган җиргә хезмәт итүгә багышлап, тырыш һәм нәтиҗәле эшегез белән районда гына түгел, республикабызда да дан казанган олы шәхес Сез. Хезмәтегез Әтнә районына килеп кергәч тә, ерактан көлеп каршы алган төзек-таза тормышлы авылларында, күкрәп утырган басу-кырларында, тигез, матур юлларында чагылыш таба. Һәр уңышыгыз маңгай тире бәрабәренә яуланган. Үткәннәргә карап шөкер иткән, киләчәккә карап фикер йөрткән Сездәй затның гомер чаптары ару-талу белмәсен. Сәламәт булып, җан тынычлыгында, гаилә тигезлегендә куанычлы гомер итәргә язсын Сезгә.