Дару үләннәре белән якыннан таныштылар

Алар бөтен тереклек ияләренә суларга гына түгел, дәваланырга да булышалар. Кешеләр борынгы заманнарда ук хайваннарның кайбер үсемлекләргә игътибар иткәннәрен күргәннәр. Шуннан бу үсемлекләрне өйрәнә башлаганнар, аларның файдалы якларын ачканнар, китап итеп теркәгәннәр.​ Олы Әтнә балалар бакчасының мәктәпкә әзерлек 2​ төркеме балалары да кайбер дару үләннәре белән якынрак танышып киттеләр. Аларның нинди өлешләрен киптереп, ничек сакларга икәнен белделәр.