Инвалид балаларның ата-аналарына 7 меңнән артык өстәмә ял көне өчен компенсация түләнгән

2026 ел башыннан Россия Социаль фондының Татарстан Республикасы бүлеге инвалид балаларның ата-аналарына 7 меңнән артык өстәмә ял көне өчен  компенсация түләде

Ял көннәре өчен эш бирүче ата-ананың уртача эш хакы исәбеннән чыгып түли, ә тотылган чыгымнарны Татарстан Республикасы буенча Социаль фонд бүлеге  каплый. Ел башыннан фонд  бүлеге  өстәмә ял көннәрен түләргә 297 миллион сумнан артык акча бүлеп биргән.

 Түләүле ял  ата-аналарның берсенә бирелә, бу очракта икенчесенең рәсми рәвештә эшләү-эшләмәү факты исәпкә алынмый. Мәсәлән, әни бала карау буенча ялда булса яки вакытлыча эшләмәсә, тиешле дүрт ял көненнән  эшләүче әти  файдалана ала.

Өстәмә ял көннәрен рәсмиләштерү өчен ата-аналарның берсе (опекун яисә  попечитель) эш бирүчегә язма гариза белән мөрәҗәгать итәргә тиеш. Ата-аналарның икесе дә рәсми рәвештә эшкә урнашкан очракта, гаризага икенче ата-ананың эш урыныннан өстәмә ял көннәрен кулланмавы яки өлешчә куллануы турында белешмә өстәргә кирәк. Ял көннәре әти  белән әни арасында бүленергә яки икесенең берсе тарафыннан кулланылырга мөмкин.

Ял көннәрен ай саен алып яки календарь ел өчен 24 көнгә кадәр туплап,   берьюлы кулланып була. Мондый көннәрне берьюлы алу графигын эш бирүче белән килештерергә кирәк. Җыелган ял көннәрен ел дәвамында куллану зарур, аларны киләсе елга күчереп яки акча белән компенсацияләп булмый.

 "Өстәмә түләүле ял көннәре ел саен бирелә торган түләүле ял, хезмәт хакын сакламыйча алынган яисә 3 яшькә кадәрге бала карау буенча алынган ял  чорында бирелми. Шул ук вакытта икенче ата-ананың 4 өстәмә түләүле ял көне алу хокукы кала", - дип билгеләп үтте Татарстан Республикасы буенча Социал фонд бүлеге идарәчесе Эдуард Вафин.

Социаль ярдәм чаралары, түләүләр һәм Россия Социаль фондының Татарстан Республикасы  бүлеге хезмәтләре  турында тулы һәм дөрес мәгълүматны СФР сайтында һәм социаль челтәрләрдәге MAX, ВКонтакте, Одноклассники һәм Телеграм рәсми аккаунтларда табарга мөмкин.

 Өстәмә мәгълүмат яки консультация алу өчен гражданнар 8 800 100 0001 номеры буенча бердәм контакт-үзәк операторларына мөрәҗәгать итә ала  (төбәк линиясе тәүлек буе эшли - 24/7, шалтырату бушлай).

Россия Социаль Фондының Әтнә районы клиентларга хезмәт күрсәтү бүлеге