Исәптә торган кешеләр арасында хатын-кызлар да бар

Бүгенге көндә дә барлык төр җинаятьләр җәзасы арасында, иректән мәхрүм итмичә генә җәза үтәтү төре мөһим урын алып тора. Совет хакимияте урнашуга мондый төр җинаять җәзасының кирәк­леге ачыклана. Чөнки җинаятьчеләргә тоткынлыкта дөрес тәрбия бирү мөмкинлеге аз була. Шуңа да 1919 елның 7 маенда Юстициянең Халык Комиссариатларына иректән мәхрүм итми генә көчләп эшләтү җәзасын оештыру эше беркетелә. Шушы көннән соң, 7 май Җинаятьләр җәзасы үтәтү инспекциясе көне буларак билгеләп үтелә.

– Бүгенге көндә Әтнә инспекциясендә иректән мәхрүм итми генә хөкем ителүчеләр арасында шартлы рәвештә төзәтү эшләренә, мәҗбүри эшләргә, ирекне чикләүгә һәм билгеле бер эшчәнлек белән шөгыльләнүне тыюга өстәмә хөкем ителгән кешеләр исәптә тора. Кызганычка каршы исәптә торган кешеләр арасында хатын-кызларыбыз да бар. Исәптә торган хөкем ителгән кешеләргә административ хокук бозу катгый тыела һәм янадан җинаять җаваплылыгына тартылмас өчен иснпекция тарафыннан профилактик чаралар уткәрелә, – дип хәбәр итә җәза үтәтү инспекциясенен өлкән инспекторы Марат Әмиров.