Казанда яшәүче 35 яшьлек кеше мошенникларга 1,3 млн сум акча биргән. Бу хакта ТР буенча Эчке эшләр министрлыгы хәбәр итә.
Хокук саклаучылар мәгълүматлары буенча, ир-ат популяр онлайн-мәйданчыкта «Хендай» автомобилен сату турындагы белдерүне күргән. Сатучы машинаның фотосын һәм характеристикаларын җибәргән һәм мессенджерда клиент белән аралашуын дәвам иткән. Бернәрсәдән дә шикләнмичә, Казан кешесе җинаятьчегә 1,3 млн сумны ике транш белән күчергән. Шуннан соң сатучы элемтәгә чыгудан туктаган.
Нет комментариев