Казанда 11 мәктәп һәм балалар бакчасы балалары һәм персонал эвакуацияләнде

Казанда шартлаткыч җайланмалар турында аноним хәбәрләр аркасында 11 мәктәптә һәм балалар бакчасында балалар һәм персонал эвакуацияләнгән.

«Татар-информ» мәгълүмат агентлыгына үз чыганакларыннан билгеле булганча, учреждениеләрнең электрон почтасына биналарда шартлаткыч җайланмалар куелуы турында хат килгән. Администрация балаларны һәм персоналны оператив рәвештә эвакуацияләде. Бу хәлгә ачыклык кертелә.

Чыганак: https://tatar-inform.tatar/news/incident/21-12-2021/kazanda-11-m-kt-p-m-balalar-bakchasy-balalary-m-personal-evakuatsiyal-nde-5845613