Кышлау тракторлары арасында кимчелекләр бар

Шәхси трактор хуҗалары «тимер атлары» белән техник карауга җыелдылар. Кызганычка каршы, берничәсенең  вак  кимчелекләре бар иде (сигналлары эшләми, фаралар янмыйча торды), җитешсезлекләр вакытында бетерелде дип ышанасы килә.

Гомумән алсак, техник карауга шәхси транспорты булучылар нык әзерлек белән киләләр. Шулай тиеш тә инде ул, чөнки трактор – үзеңнеке, аның ерактан балкып торуы да, сәгать кебек көйле булып эшләп торуы да мөһим.

Биредә барлыгы 12 берәмлек техника тикшерелде, кызганычка каршы, берничә трактор иясе, ваемсызлык күрсәтеп, килмәгән иде; аларга төзек булмаган техниканы эксплуатацияләү һәм кагыйдәләрне бозу күңелсезлекләргә китерү мөмкинлеген онытмаска кирәклеген искәртәсе килә. Техник карау узмаган хәлдә ул трактор руле артына утырырга ярамаганлыгын яхшы аңлыйлардыр. мөгаен.