Ләйлә Фазлыева Яңа елны гаилә мохитендә каршы алырга киңәш итте

ТР Премьер-министры урынбасары Ләйлә Фазлыева быел татарстанлыларга Яңа елны гаилә мохитендә каршы алырга киңәш итте.

«Яңа елын гаилә белән уздырырга өндибез. Муниципаль районнар белән шул юнәлештә эшләдек. Яңа ел — Гаилә бәйрәме, шул гаилә традицияләренә кире кайтырга мөмкинлек бар», — диде Ләйлә Фазлыева ТР Министрлар Кабинетында брифингта. 

Ул якыннарның сәламәтлегенә игътибарлы булырга киңәш итте. Аеруча вакцинация узмаган, моңа табиб кичектерүе турында белешмәсе булган 60 яшьтән узганнарны кайгыртырга кушты. 

Ләйлә Фазлыева әйтүенчә, республика халкына, туристларга күрсәтмәләрнең берсе — мөмкин кадәр вакытны күбрәк саф һавада уздыру.

Чыганак: https://tatar-inform.tatar/news/society/21-12-2021/l-yl-fazlyeva-ya-a-elny-gail-mohitend-karshy-alyrga-ki-sh-itte-5845605