Олы Әтнә балалар китапханәсендә интеллектуаль уен үтте

Татар халкының мәдәнияте балачактан ук сизелә торган тәрбия йогынтысы белән көчле. Нәкъ менә балачакта гаиләгә, туган йортка, тирә-юньдәге дөньяга мәхәббәт кебек мөһим сыйфатлар барлыкка килә. Ватаныңны ярату - тарихи үткәнеңне ярату, үсеп килүче буынны тәрбияләүнең иң мөһим бурычларының берсе.
20 нче июнь көнне Олы Әтнә балалар китапханәсендә интеллектуаль уен үткәрелде. Уенның максаты - балалар күңелендә татар халкының мәдәниятенә һәм милли традицияләренә хөрмәт һәм кызыксыну уяту. Ике команда мәкальләрне дәвам итеп, әкиятләрне, татар халык ашларын, милли киемнәрне танып, табышмакларга җаваплар эзләп көч сынаштылар.