Сәламәтлек саклау министрлыгы коронавирустан вакцинаны прививкалар календаренә кертте

Коронавирус инфекциясеннән вакцинация илкүләм профилактик прививкалар календарена кертелде. Документның яңартылган версиясе хокукый мәгълүматның рәсми порталында барлыкка килде.

Боерык нигезендә, 60 яшьтән узган гражданнар, шулай ук медиклар, социаль өлкә һәм мәгариф хезмәткәрләре, социаль учреждениеләрдә яшәүче затлар мәҗбүри вакцинация узарга тиеш.

Шулай ук хроник авырулары булган, шул исәптән бронхологик, йөрәк-кан тамырлары, шикәр диабеты, симерү авыруы булган кешеләр, шулай ук миллионнан артык халкы булган шәһәрләрдә яшәүчеләр мәҗбүри прививка ясатырга тиеш.

12 яшьтән 17 яшькә кадәрге яшүсмерләргә вакцинация ата-аналарның берсе яки законлы вәкилләрнең язма гаризасы буенча үткәреләчәк.

Чыганак: https://tatar-inform.tatar/news/health/21-12-2021/s-lam-tlek-saklau-ministrlygy-koronavirustan-vaktsinany-privivkalar-kalendaren-kertte