Әтнә таңы

Әтнә районы

18+
2024 - Гаилә елы
Хәбәрләр

Татарстан Республикасы Рәисе Рөстәм Миңнехановның Сабан туй котлавы

Хөрмәтле татарстанлылар! Кадерле дуслар!

Сезне халкыбызның нурлы һәм күркәм бәйрәме — Сабан туе уңаеннан чын йөрәктән тәбрик итәм. 
Табигатьнең кышкы йокыдан уянуы, игенченең тырыш хезмәтенә мәдхия, татар халкының юмартлыгы һәм кунакчыллыгы гәүдәләнеше булган, буыннан буынга кадерләп тапшырыла килгән бу бәйрәмдә үзенчәлекле йолаларыбыз, гореф-гадәтләребез, рухи мирасыбыз байлыгы ачык чагылыш таба. 
Сабан туе хаклы төстә барлык татарлар, гомумән республикада яшәүче халыклар өчен иң яраткан, көтеп алына торган тантаналы зур вакыйга буларак таныла. Аның мәйданында һәрвакыттагыча төрле милләт һәм дин вәкилләре очраша, татулык, бердәмлек, дустанә мөнәсәбәт хакимлек итә. Милли мәдәниятләр һәм гореф-гадәтләр елында ул Татарстанда этномәдәни күптөрлелекне саклау һәм үстерүгә тагын да бәрәкәтле этәргеч бирә. 
Бу тантаналарда, әлбәттә, авыл хуҗалыгы тармагында эшләүчеләрне тәбрикләү, алдынгыларны олылап котлау беренче урынга чыга. Аларның фидакарь хезмәте нәтиҗәсендә чәчү эшләре тиешле вакытында тәмамланды, җыеп алыначак уңышның муллыгына һәм республикабызның азык-төлек белән җитәрлек тәэмин ителүенә ныклы нигез салынды. 
Сабан туе һәркемгә яшәү дәрте, көч өсти, якты киләчәккә ышаныч һәм матур өметләр уята. Тарих борылыш кичергән чорларда Ватанга мәхәббәт, гаилә иминлеген ныгыту, өлкәннәргә ихтирам, туган телне ярату кебек рухи хәзинәләребезне сакларга һәм үстерергә кирәклеген тою хисе аеруча көчәя. 
Бәйрәм һәрберегезгә күңел күтәренкелеге, яхшы кәеф бүләк итсен! 
Үзегезгә һәм якыннарыгызга сәламәтлек, бәхет һәм иминлек телим!

Татарстан Республикасы 
Рәисе Р. Н. Миңнеханов

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев