Татарстанда 16 меңгә якын унберенче сыйныф укучысы йомгаклау иншасы язачак

Татарстанда 16 меңгә якын унберенче сыйныф укучысы 1 декабрьдә йомгаклау иншасы язачак.

ТР Мәгариф һәм фән министрлыгының матбугат хезмәте хәбәр итүенчә, «Укучы БДИга кертелгәнче йомгаклау иншасы язарга тиеш. Яхшы баллар югары уку йортларына кергәндә абитуриентның шәхси казанышы буларак исәпкә алыначак».

Инша язу өчен 3 сәгать 55 минут вакыт бирелә. Физик мөмкинлекләре чикләнгән катнашучылар һәм инвалид балалар өчен бу вакытка сәгать ярым арта. 

Чыганак: https://tatar-inform.tatar/news/science/25-11-2021/tatarstanda-16-me-g-yakyn-unberenche-syynyf-ukuchysy-yomgaklau-inshasy-yazachak