Татарстанда соңгы тәүлектә коронавирусның 251 яңа очрагы теркәлгән

Татарстанда соңгы тәүлектә Covid-19 коронавирус инфекциясе йоктыруның 251 яңа очрагы ачыкланган.

ТР Сәламәтлек саклау министрлыгының матбугат хезмәтеннән хәбәр итүләренчә, өч кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән.

«90 кеше хастаханәгә озатылган, 158 кеше өендә дәвалана», — диелә ведомство хәбәрендә.

Казанда — 167, Чаллыда — 18, Яшел Үзән районында 14 очрак ачыкланган. Инфекция йоктыручылар республиканың 23 муниципалитетында теркәлгән.

Шул рәвешле, пандемия башланганнан алып республикада коронавирус инфекциясенең 36 808 очрагы расланган, 30 416 кеше (300 пациент — узган тәүлектә) терелгән.

Республикада барлыгы 1 978 471 кеше (шуларның 17 530ы — узган тәүлектә) коронавируска каршы прививка ясаткан. 1 486 548 кеше икенче дозаны да алган.

Чыганак: https://tatar-inform.tatar/news/health/25-11-2021/tatarstanda-so-gy-t-lekt-koronavirusny-251-ya-a-ochragy-terk-lg-n-5843871