Украина пилотсыз очкычлары Россиянең көньягында Wildberries складларына һөҗүм иткән
Зыян күрүчеләр бар, дип хәбәр итә компаниягә нигез салучы Татьяна Ким социаль челтәрләрдә.
«Бүген төнлә Краснодар һәм Невинномысскидагы логистик үзәкләргә һөҗүм иттеләр. Профильле хезмәтләр белән бергә һөҗүм нәтиҗәләрне бетерү буенча эш алып барабыз», - дип язган Ким.
Ставрополь крае губернаторы Владимир Владимиров хәбәр иткәнчә, Невинномысскида медикларга 5 кеше мөрәҗәгать иткән, ә шәһәрдә локаль дәрәҗәдәге гадәттән тыш хәл режимын игълан иткәннәр. Зыян күрүчеләрнең берсен хастаханәгә салганнар.
Краснодар крае губернаторы Вениамин Кондратьев сүзләренчә, складка һөҗүм вакытында 10 кеше зыян күргән һәм янгын чыккан. Өчесе – авыр хәлдә, тагын берсе – уртача авырлыкта. Калганнарга амбулатор ярдәм күрсәтелгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев