Шикле кешеләр яки әйбер күрсәң, тиз арада шалтырат

Бәйрәмнәр – ул күңелле вакыйга, ләкин шул ук вакытта игътибарлыкны арттыруны да таләп итә. Халык күп җыелган урыннарда төрле хәлләр булырга мөмкин. Шуңа күрә һәркем уяу булырга тиеш.

Корбан гаете һәм Сабантуй – татар халкының иң яраткан бәйрәмнәре. Бу көннәрдә милли киемнәр киеп, җырлап-биеп, төрле уеннарда катнашып күңел ачабыз. Әмма шатлыклы мизгелләрдә куркынычсызлык турында да онытырга ярамый.

Әгәр дә сез шикле әйбер яки кеше күрсәгез, иң беренче чиратта полициягә хәбәр итегез. Үзегез бернинди дә гамәл кылмагыз. Бу бик мөһим, чөнки сезнең игътибарлылыгыгыз бәла-казаны булдырмаска ярдәм итә ала.

Балаларыгызга да бу хакта әйтегез. Аларны чит кешеләр белән сөйләшмәскә, билгесез әйберләргә кагылмаска өйрәтегез. Балаларның иминлеге – безнең иң зур җаваплылыгыбыз. Бәйрәмнәр имин һәм күңелле үтсен өчен, бергәләшеп тырышыйк.

Кисәтеп узасы да килә, теләсә-кая ташлап калдырылган әйберләргә юлыкканда, шулай ук шикле кешеләр очратканда, тиз арада район Эчке эшләр бүлегенә хәбәр итәргә кирәк. 
Үзлегеңнән ни дә булса эшләргә, кабул итәргә ярамый.

Балаларга да кабат кисәтү, әйтү зыян итми. Хәвеф-хәтәрләр булмасын дисәк, битараф булмыйк.