Басуда бер трактор тулысынча янып беткән

Татарстанның Әлки районы кырында трактор тулысынча янып беткән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Бүген иртәнге унберләр тирәсендә 112 бердәм номерына Татар Суыксуы авылы янында кырда тракторга ут кабуы хакында хәбәр килгән.

Нәтиҗәдә, авыл хуҗалыгы техникасы тулысынча диярлек янып беткән - янгынның мәйданы 6 квадрат метр тәшкил иткән. Фаҗиганең сәбәпләре ачыклана.

Чыганак : https://tatar-inform.tatar/news/incident/15-10-2020/lki-rayony-kyrynda-ber-traktor-tulysyncha-yanyp-betk-n-5778954