Пионны тукландырырга вакыт!

Ләкин бу зур хата. Нәкъ менә шул чорда үсемлекләр киләсе сезон өчен чәчәк бөреләрен сала һәм туклыклы матдәләр туплый.

Июль-август айларында аларны дөрес тәрбияләү бер елдан соң чәчәк атуның никадәр мул булачагын билгели.
Иң беренче эш – шиңгән чәчәкләрне алып ташлау. Үткен секатор, кайчы кулланып, аларны беренче каты яфракка кадәр кисегез. Шиңгән чәчәкләр үсемлекнең күп көчен ала һәм орлыклар барлыкка килүне булдырмый калачак. Сабакларны һич кенә дә тулысынча кисмәгез, яфраклар көзгә кадәр калырга тиеш, чөнки нәкъ менә хәзер тамырларда фотосинтез һәм туклыклы матдәләр туплану процессы бара.

Чәчәк атканнан соң 2-3 атна узгач, пионнар махсус тукландыруга мохтаҗ. Бу чорда аларга фосфор һәм калий кирәк, алар чәчәк бөреләре формалашуга ярдәм итә һәм тамыр системасын ныгыта.

Иң яхшысы – суперфосфат (40 грамм) һәм калий сульфаты (25 грамм) катнашмасы. Ашламаны сыек килеш 10 литр суда эретеп, туфракка мул итеп сибәргә кирәк.

Күпьеллык үсемлекләр өчен махсус көзге ашламалар яисә гади көл (куак астына 1 стакан) кулланырга мөмкин.

Чәчәк атканнан соң да су сибүне туктатмагыз. Туфракны уртача дымлы хәлдә тотарга кирәк, куакларга 7-10 көнгә 1 тапкыр су сибәргә кирәк (үсеп җиткән бер төп чәчәкләр өчен 2-3 чиләк су).

Август аенда су сибү аеруча мөһим, чөнки бөреләрнең яңаруы шул вакытта актив формалаша. Һәр су сипкәннән яки яңгырдан соң туфракны йомшарту яхшы, ләкин бик сак булыгыз – пионнарның тамырлары җир өстенә якын урнашкан.

Авыл хатыны/Сельчанка