Бәйрәм юлларга кагылмый - "Әтнә таңы"

Эш көннәре өч көн генә булган бәйрәм атнасында Эчке эшләр бүлегенең ЮХИДИ бүлекчәсе хезмәткәрләре тарафыннан барлыгы 46 административ протокол төзелгән. Вак техник төзексезлек өчен - дүрт ,куркынычсызлык каешын такмаган өчен - җиде, штрафын вакытында түләмәгән өчен - бер, утын кабызмыйча йөргән өчен - бер, документларын өйдә онытып калдырган өчен - өч, страховкасыз йөргән- дүрт, юл билгеләренә кагылышлы кагыйдәләрне үтәмәгән - өч,страховкага язылмаган килеш руль артына утырган - биш, номерлары укылмаган - унбер машина йөртүче җаваплылыкка тартылган. Тиешле урыннан юл аркылы чыкмаган өчен бер җәяүлегә дә штраф түләргә туры киләчәк. Техник яктан төзек булмаган өчен бер йөртүченең транспорт чарасы штраф стоянкага җибәрелгән. Ике машина йөртүче спиртлы эчемлекләр кулланган килеш руль артына утырган өчен тоткарланган. Барлыгы дүрт юл һәлакәте теркәлгән.