Казанда уртача хезмәт хакы 39 меңгә җитте

(Казан, 20 ноябрь, "Татар-информ"). Казанда эре һәм урта предприятие һәм оешмаларда уртача хезмәт хакы 39 меңгә җитте. Бу узган елның шушы чоры белән чагыштырганда 7,8 процентка күбрәк. Бу хакта Казан шәһәре дәүләт статистика бүлеге хәбәр итә.

Татарстанда, тулаем алганда, 2017 елның гыйнвар - сентябрь айларында уртача хезмәт хакы 31389,8 сумны тәшкил иткән. Бу узган елның шушы вакыт аралыгы белән чагыштырганда 5,9 процентка үскән дигән сүз. Әлеге мәгълүматлар Татарстан дәүләт статистика хезмәте материалларында җиткерелә.

Чыганак: http://tatar-inform.tatar/news/2017/11/20/152708/