Һәр балага бүләк булачак

Русиядә һәр яңа туган сабый инде киләсе елдан дәүләттән бүләк алырга мөмкин. Мондый пункт Русия Хезмәт һәм социаль яклау министрлыгы тарафыннан Балалар унъеллыгы уңаеннан эшләнгән 2020 елга кадәрге чаралар планында бар, дип яза "Известия". //Татар-информ//

Бүләкләрне әнигә бала табу йортыннан чыгарылганда тапшырырга ниятлиләр. Белгечләр сүзләренчә, бу подгузниклар, шалтыравык уенчыклар, бала ыштаннары һәм сабыйга башка кирәкле әйберләр булырга мөмкин. Нигездә, әлеге бүләкләр Русиядә җитештерелгән булачак.

Русия сәнәгать һәм сәүдә министрлыгы фикеренчә, әлеге инициатива үзебезнең җитештерүчеләргә ярдәм булып кына калмыйча, лемографик вәзгыятьне яхшыртуга да стимул булачак.

Проектны инде Икътисади үсеш синистрлыгында килештергәннәр. Шул ук вакытта бу чараны финанслау юллары күрсәтелмәгән. Хезмәт һәм социаль яклау министрлыгы фикерерчә, чыгымны үз өстенә төбәкләр алырга тиеш.

http://tatar-today.ru/