Әтнә өлеше – Татарстанда, Республика өлеше Россиядә тотрыклы...

"Сөт җитештерү һәм сату буенча төбәкләр арасында Татарстан ышанычлы рәвештә алда бара". ТР авыл хуҗалыгы министрлыгы мәгълүматларына нигезләнеп, интернетта шул хакта хәбәр итәләр. Республиканың авыл хуҗалыгы предприятиеләре һәм фермер хуҗалыклары илне сөт белән иң күп күләмдә тәэмин итәләр. Әйтик, бездә бер көндә саткан сөт Россиядәге җиде төбәкнең тулай җитештергән сөт күләме кадәр. Бүгенге көндә Россия Федерациясендә саткан барлык сөтнең 7,9 проценты Татарстан өлеше. Ә Татарстанда Әтнә өлеше тотрыклы һәм ул 43 район җитештереп сатканның шактый өлешен алып тора.