Әтнә яшьләре тагын эшсез калачак

Агымдагы елның 1 августыннан эшләүче пенсионерларның, ничәнче елда лаеклы ялда чыгуларына карамастан, хезмәт хакына бәйсез рәвештә пенсия акчалары артачак.

- Бу очракта эшләүче пенсионерларның хезмәт хакыннан Пенсия фондына күчерелгән взнослары хисабына пенсиянең иминият өлеше арта. Арту хезмәт хакына бәйле рәвештә индивидуаль исәпләнә..., - дип аңлата Пенсия фондының Әтнә бүлекчәсе башлыгы Гөлсинә Нәҗмиева.

Кыскасы, хезмәт хакы зур булып, взнос күбрәк күчерелгән саен пенсиянең иминият өлеше дә күбрәк артачак. Пенсиягә чыгып та эшләрен дәвам итүчеләргә эштән китмәс өчен тагын бер сәбәп булачак бу! Яшьләрнең эш таба алмый интегүенә гаҗәпләнәсе юк....