Әтнәдә суд залыннан икенче хатын-кыз кулга алынды

Бәйрәм алдыннан кулга алынган В. алимент түләмәгән өчен 1 елга хезмәт хакыннан 10 процент  тотып калуга хөкем  ителә. Әтнә районының бер авылына эшкә килгән бу хатын  башта тәртипле генә эшләп йөри. Әмма яшел елан үзенекен итә, эшлисе килми башлый. 

- Тора-бара бер ир заты белән чуалып бөтенләй юкка чыга. Бүгенге көндә өч балигъ булмаган баласын әтисе тәрбияләүче, ике тапкыр судка  кайтуны, җәза үтәтү инспекциясенә хәбәргә  чыгуны кирәк дип санамаган ханымны ирегеннән  мәхрүм итәргә дигән  карар чыгарылды һәм В.ның кулына  суд залында  богау салынды, - дип хәбәр итә җәза үтәтү инспекциясе башлыгы Клара Кадимова.

Архив фотосы