Әтнәләр террорчылыкка каршы

Франциядә булган террорчылык очрагы бик күпләрне куркуга салды. Һәм һәркайсыбызны тагын бер кат уяу, игътибарлы булырга кирәклекне раслады.

Район полиция бүлеге хезмәткәрләре район халкын игътибарлы булырга, чит-ят кешеләр күренсә, шулай ук шикле пакетларга юлыкканда полиция бүлегенә хәбәр итәргә чакыралар. Телефоны 2-15-75.

"Ходай Тәгалә дә сакланганны саклармын" дигән. Безнең белән алай булмас, дип ваемсызланмыйк. Игътибарлырак булыйк. Районыбыз зур түгел, Шуңа да күпләрне йөзгә яхшы беләбез. Бердәм булыйк, әтнәлеләр.