Айнур Яхудин: “Һәркем район тормышыннан хәбәрдар булырга тиеш”

Луганск юнәлешендә барган бәрелештә аның яралануы турында язган идек. Ярты ел чамасы госпитальдә ятып дәваланганнан соң, ул хәзер гаиләсе янында.

Әти-әнисе Бәхтиярдә, үзе Казанда яши, элекке эш урынында, ә иң мөһиме-янәшәсендә җәмәгате һәм 3 баласы бар.

Аның белән узганнарны искә алып үттек.

-Шөкер, хәзер патриотлык тагын да көчәйде. Инде махсус хәрби операция зонасында да төгәллек, башлангыч чордагы кебек буталчыклар юк. Өстәвенә, тиздән булачак җиңүгә ышаныч зур,- ди ул.

Әлбәттә, хәзер илебездә дә махсус хәрби операция ветераннарына булган ихтирам, хөрмәт хисе тагын да көчәйде. Барысын күзаллап, күрәсең: -Тормышымнан канәгать мин,-ди.

Аеруча сөендергәне шул "Әтнә таңы«н яратып укый ул. Әле дә аны газетабызны укыган вакытта фотога төшердек.

-Яхшы газета. Һәр кеше район яңалыкларын белеп торырга тиеш ул,-ди. Әлбәттә, «Әтнә таңы» аша! Октябрь аеның 6-16 числосына кадәр «Әтнә таңы» газетасына ташламалы бәягә язылу мөмкинлеге бар.