Чембулат авылында балалар Сабан туе узды

Мәктәп балалары, кунаклар, яшүсмерләр, бер-бер артлы спорт ярышларында, милли уеннарда көч сынаштылар. 

Бәйрәмнең төп максаты – балаларда милли гореф-гадәтләргә, татар халык уеннарына мәхәббәт уяту, аларны сәламәт яшәү рәвешенә чакыру. Сабан туе – ул бары тик спорт ярышлары гына түгел, ә милли аңны, бердәмлекне ныгытучы, халыкны берләштерүче зур мәдәни чара. Бу көнне авыл халкы да бик теләп катнашты, балаларны хуплап, ярышларны кызыксынып карап тордылар.

Җыр-биюләр белән дәвам итте бу истәлекле көн, Чембулат авылында яшәүче һәркемнең күңеленә хуш килде.

Балаларның елмаюлары, шатлыклы кычкырулары бу көнне тагын да якты һәм матур итте. Мондый бәйрәмнәр авылның тормышын ямьләндерә, балаларга күптән көткән шатлык өсти.