Иске Өҗемдә «Карга боткасы» пешерделәр

Иске Өҗем авылында Ташчишмә авылы китапханәчесе белән «Карга боткасы» дигән йола  узды.  Иртәдән үк бәйрәмне үткәрү урынында шау-шу купты. Балаларның күңелле көлүләре һәм олыларның шатлыклы тавышлары бәйрәмгә тантаналы төс бирде. Кайберәүләр ярмаларны ботка пешерә, икенчеләре самовар куя, өченчеләре бәйрәм өстәле әзерли. Шулай итеп, алар кошларның язга да очып килүенә сөенделәр. Чарада катнашучылар кошларга язны үз канатларында алып килгәннәре өчен рәхмәт белдерде. Бәйрәмдә балалар халык уеннары уйнадылар, шигырьләр сөйләделәр, кошларны ашаттылар. Чара азагында барысы да "Карга боткасы"ның тәмле боткасы, самавырдан хуш исле чәй белән сыйландылар.

Элеккеге уен-йолаларны оныттырмас өчен балаларга менә дигән күңел ачу чарасы бу.