Тәнзилә Идиятуллинадан бишбармак рецепты

Тәнзилә Идиятуллинадан бишбармак рецепты

Башта сарык итен тоз салып пешерәбез. Шул ит пешкән шулпаны аерып кәстрүлгә бүлеп алып, телемләп бәрәңге пешерәбез.
Бер йомыркага бер кашык су, әз генә тоз салып камыр җәябез дә, юка итеп ромбик формасында кисәбез. Ит пешкән шулпада токмачларны пешереп алабыз.
Суганны соломкалап турап, әз генә май салып, ит шулпасы өстәп томалап пешерәбез.

Подпос яки зур тәлинкәгә иң элек токмач салабыз, аның өстенә ит, бәрәңге, суган салына. Һәр кешегә аерым кәсәләргә шулпа бирелә.

Тәмле булсын!

Чыганак