«Вулкан» торты

Бу торт искиткеч тәмле! Аның рецептын «Сөембикә»нең баш мөхәррире Лариса Маликова тәкъдим итә. Сез дә әзерләп карагыз!

Кирәк:

(камыр өчен)

йомырка – 5 данә;

шикәр комы – стакан ярым;

чәй содасы – 1 десерт кашыгы;

бал – 3 аш кашыгы;

он – 2,5–3 стакан (йомырканың зурлыгына карап).

(крем өчен)

кара җимеш – 0,5 кг;

шикәр комы – 1 стакан;

атланмай – 200 г;

сметана – 1 кг.

Эш барышы:
1. Йомырканы, балны, шикәр комын һәм соданы бергә кушып, суы кайнап торган кәстрүл өстенә куеп әйбәтләп туглыйбыз.
2. Он өстибез һәм яңадан әйбәтләп туглыйбыз.
3. Камырны икегә бүлеп, кызган духовкада ике корж әзерлибез. Курыкмагыз. Әзер булган саен, коржлар көрән төскә кереп барачак.
4. Коржларны суытып, һәрберсен тагын ике коржга бүләбез.
5. Крем әзерлибез. Йомшаган майны, шикәр комын һәм иттарткычтан чыгартылган кара җимешне бергә кушып туглыйбыз.
6. Бер корж өстенә мул итеп крем сылап, икенчесе белән каплыйбыз. Һәм тагын крем белән сылыйбыз. Дүрт коржны бергә кушарга да була бу очракта торт биегрәк була.
Торт бераз торып, коржлар кремны үзенә сеңдерсә, тәмлерәк була.

Чәйләрегез тәмле булсын!

Сөембикә