Әтнәләр, без капчыкта ятмый
Эчке эшләр бүлегенең ЮХИДИ җитәкчесе Айнур Ямалиев сүзләренә караганда, 6-14 май көннәрендә районыбызда 19 тапкыр юл кагыйдәләре бозу очрагы теркәлгән.
Бу хәбәрне кабат “Кызганыч хәл” дип дәвам итәргә туры килә – исерек хәлдә транспорт руле артына утыруда шикләнеп, янә 1 кеше эшен җәмәгать судына озатканнар. Моннан тыш, административ җәзаны тиешле срокта үтәмәгән 2 кеше тоткарланган. Шулай ук, 8 йөртүче куркынычсызлык каешын эләктермәгән һәм берәү баланы махсус утыргычта йөртмәгән, 2 юл һәлакәте ачыкланган.
Кабат исегезгә төшерәбез, административ штрафларны вакытында түләү шарт. Үзегез дә аңлыйсыздыр, без капчыкта ятмый. Ягъни, административ штрафны түләмичә калу мөмкин түгел, барыбер ачыкланачак.
Следите за самым важным и интересным в Telegram-каналеТатмедиа
Нет комментариев